U Słavienii prachodzić refierendum pa hiej-šlubach
20.12.2015 / 17:23
Žychary Słavienii hałasujuć na refierendumie pa pytańni lehalizacyi adnapołych šlubaŭ. Kali bolšaść prahałasuje «za», to Słavienija stanie pieršaj krainaj na postkamunistyčnaj prastory, jakaja ŭchvalić hiej-sajuzy.
U sakaviku parłamient krainy źmianiŭ farmuloŭki ŭ zakonie, i šlubam ciapier ličycca «sajuz dvuch ludziej», a nie «sajuz mužčyny i žančyny».
Praciŭniki zakona pačali šyrokuju kampaniju pratestu i zabłakavali realizacyju zakona. U vyniku pytańnie było vyrašana vynieści na refierendum.
Bolšaja častka nasielnictva Słavienii adnosić siabie da katalickaj carkvy, jakaja nie ŭchvalaje adnapołyja sajuzy.
Padobny refierendum užo prachodziŭ u Słavienii ŭ 2012 hodzie. Tady ideja lehalizacyi adnapołych šlubaŭ była adprečanaja bolšaściu hałasoŭ. Pry hetym jaŭka na refierendumie była davoli nizkaj.