Minčuk: U samym centry stalicy chulihan z akna mašyny kinuŭ pad nohi majmu 2,5-hadovamu synu pietardu

21.12.2015 / 10:15

Ab nachabnaj chulihanskaj vychadcy raspavioŭ minčanin Ściapan Bahdan, jaki źviarnuŭsia ŭ redakcyju Onliner.by. Usio zdaryłasia 20 śniežnia kala 14:25 na płoščy Svabody. Siamja hulała ź dziciem u centry i nie mahła navat ujavić, što heta akažacca niebiaśpiečnym.

— Heta zdaryłasia kala budynka na płoščy Svabody, 2, — raspaviadaje Ściapan. — Syn u toj momant byŭ z babulaj, a my z žonkaj stajali na supraćlehłym baku. Kala ich prytarmaziła mašyna, i niechta kinuŭ pad nohi pietardu. Samoha hetaha momantu ja nie bačyŭ — pačuŭ tolki voplesk. Padumaŭ, moža, koła ŭ kahości łopnuła… Dzicia adrazu zapłakała. La bryva — ušyb. Zaŭtra pojdziem na miedekśpiertyzu. U radyusie piaci mietraŭ ad dziciaci i babuli ludziej bolš nie było — kidali vidavočna ŭ ich…

Usio, što zastałosia ad pietardy: u milicyi Ściapanu paraili zrabić fota

Ściapan kaža, što ŭžo napisaŭ zajavu ŭ Centralnaje RUUS. Jon nie vieryć, što chulihana znojduć, ale i biaździejničać taksama nie choča. Tych, chto moh bačyć incydent, chłopiec prosić adhuknucca. Miarkuje, što, vierahodna, pietardu kinuli z Citroen, choć pierad im była jašče adna mašyna.