Пяскоў: У Крамлі не маюць інфармацыі пра гібель дзевяці расіянаў у Сірыі
21.12.2015 / 13:40
tass.ru
У Крамлі не маюць інфармацыі аб гібелі дзевяці расіянаў, якія ваююць у Сірыі. Пра гэта паведаміў прэс-сакратар прэзідэнта РФ Дзмітрый Пяскоў.
«Мы не маем такой інфармацыі. Тым больш ізноў інфармацыя апасродкавана, без нейкіх спасылак. Наўрад ці тут можна нешта казаць», — сказаў Пяскоў, каментуючы публікацыю The Wall Street Journal аб нібыта гібелі дзевяці расіянаў, якія ваююць у Сірыі на баку арміі Башара Асада.
Прадстаўнік Крамля пераадрасаваў пытанне пра асабовы склад ў Міністэрства абароны РФ.