У Мінску з'явіліся першыя модульныя прыбіральні для людзей з абмежаванымі магчымасцямі ФОТЫ
Унітарнае прадпрыемства «МАФ» закупіла 10 модуляў айчыннай вытворчасці «МАЗ-Купава».
22.12.2015 / 19:09
Фота з сайта maz-kupava.com
Фота з сайта maz-kupava.com
Новыя гігіенічныя аб'екты складаюцца з трох секцый: стандартнай кабіны, павялічанай, а таксама памяшкання для персанала і касіра. Павялічаная кабіна модульнай прыбіральні добраўпарадкавана для інвалідаў-вазочнікаў: там усталявана заніжанае сантэхнічнае абсталяванне, маецца досыць вольнай прасторы для развароту вазка. Акрамя таго, новыя модулі абсталяваныя пандусамі. Спецыяльна для слабавідушчых людзей кабінкі вылучаны яркім колерам.
Першыя з 10 аб'ектаў паставілі на скрыжаванні Багдановіча і праспекта Машэрава. Астатнія 9 модуляў плануюць размясціць да канца снежня ў розных частках горада. У прыватнасці, яны з'явяцца на праспекце Пераможцаў каля Палаца спорту, на Кастрычніцкай плошчы.