U Hrodnie BMW naśmierć źbiŭ nieviadomuju žančynu
28.12.2015 / 10:53
DTZ adbyłosia 27 śniežnia na praśpiekcie Klackova ŭ Hrodnie.
— Kala 7.30 ranicy BMW źbiŭ pažyłuju žančynu, jakaja ad atrymanych traŭmaŭ zahinuła, - paviedamili ŭ DAI rehijona. — Pavodle papiaredniaj infarmacyi, žančyna pierachodziła darohu na čyrvony sihnał śviatłafora.
Pakul asoba zahinułaj nie ŭstanoŭlena. Jaje prykmiety: na vyhlad 70-75 hadoŭ, rost 160-165, była apranutaja ŭ bałońnievuju kurtku šeraha koleru, koftu šeraha koler, karyčnievuju błuzu, karyčnievuju spadnicu, čornyja boty-«duciki».
Kali kamu-niebudź viadomaja dadzienaja hramadzianka, paviedamicie ŭ dziažurnuju častku DAI pa telefonach: (0152) 79-75-04, 79-75-05 abo 102.