Пікет ля сьценаў расейскай амбасады пратрываў пару хвілінаў
2.04.2008 / 17:11
Дадалося відэа
Сёньня, 2 красавіка, моладзевыя актывісты (пяць чалавек) паспрабавалі правесьці пікет ля сьценаў расейскага дыпляматычнага прадстаўніцтва ў Менску. Пікет быў прымеркаваны да Дня г.зв. яднаньня народаў Расеі і Беларусі.
Не пасьпелі разгарнуць расьцяжку «Расеі ‑‑ не, Эўропе — так!» і бел‑чырвона‑белыя сьцягі, як пад’ехала міліцыя. Дзьвюх дзяўчат загрузілі ў машыны і павезьлі ў пастарунак Цэнтральнага РУУСа міліцыі. Прычына затрыманьня ‑‑ правядзеньне незаконнага пікету.