U Smarhoni ladovy katok zalili prosta na śniezie FOTAFAKT

04.01.2016 / 11:58

U Smarhoni ladovy katok prynialisia zalivać prosta na śnieh i bity lod, piša sajt sportnaviny.com.

Pry hetym Alaksandr Łoban, jaki ŭznačalvaje rajonny spartyŭny kamitet, spračaŭsia z haradžanami, jakija nastojvali na tym, što śnieh treba prybrać pierad zalivańniem, i navat prapanoŭvali dapamohu. Spartyŭny čynoŭnik zajaviŭ, što haračaja vada zraŭnuje ŭsie niaroŭnaści.

Jak staŭ vyhladać katok paśla zaliŭki, možna pabačyć na fota.

Darečy, chakiej u Smarhoni nie pieršy raz traplaje ŭ kurjoznyja naviny. Na pačatku śniežnia vialiki rozhałas atrymała videa taho, jak junyja chakieisty trenirujucca na dnie zakinutaha basiejna.