Na «Dajom rady» syhrajuć Dzieciuki, Neuro Dubel, Daj Darohu! i:B:N:

04.01.2016 / 14:54

Padčas uručeńnia premii «Dajom rady», jakoje adbudziecca 27 lutaha ŭ minskim kłubie Re:Public, syhrajuć Neuro Dubel, «Daj darohu», Dzieciuki i :B:N:. Takim čynam Jeŭraradyjo ŭžo ŭ čaćviorty raz padviadzie muzyčnyja vyniki hoda.

2015-y vydaŭsia, jak zaŭsiody, nieadnaznačnym u muzyčnym płanie, ale bahatym na relizy i burlivym. Za sychodziačy hod našy muzyki zapisali bolš za 120 albomaŭ — niečyja słavutyja imiony spłyli ŭ biełaruskuju muzyčnuju Letu, a niechta tolki paśpieŭ zajavić pra siabie bolš ci mienš udała. My ŭvažliva sačyli za padziejami i hatovyja razdać usim pa zasłuhach.

Kvitki ŭžo ŭ prodažy, pieršyja 50 možna nabyć pa proma-košcie ŭ 170 tysiač (tancpoł) i 220 tysiač (miesca za stolikam).

Jeŭraradyjo