Ivan Ajpłataŭ sychodzić z pasady kreatyŭnaha dyrektara «Elemy»
04.01.2016 / 17:55
U siaredzinie studzienia viadomy biełaruski dyzajnier Ivan Ajpłataŭ pakinie pasadu kreatyŭnaha dyrektara šviejnaj fabryki «Elema». Sychod staŭ inicyjatyvaj samoha dyzajniera.
Ivan Ajpłataŭ u cechu šviejnaj fabryki «Elema». Fota: Jaŭhien Jerčak, TUT.BY
Ajpłataŭ pryniaŭ rašeńnie pakinuć «Elemu» napiaredadni Novaha hoda. U jakaści kreatyŭnaha dyrektara jon prapracuje da 15 studzienia. Paśla sychodu z fabryki dyzajnier zojmiecca raźvićciom ułasnaha brenda Ivan Aiplatov. Prapanovy supracoŭnictva ad inšych pradpryjemstvaŭ jon pakul nie razhladaje.
«Ja na pazityŭnaj nocie sychodžu ŭ svoj brend, i mnie heta vielmi padabajecca. My dastatkova plonna supracoŭničali, ale tak skłalisia abstaviny, što mnie ciapier cikava zajmacca svaim brendam».
Dyzajnier zapeŭniŭ, što nie maje nijakich pretenzij da «Elemy». U kiraŭnictva fabryki ich taksama niama, skazaŭ namieśnik dyrektara pa markietynhu Anatol Vieniedyktaŭ.
«U nas pieršapačatkova byli damoŭlenaści, što Ivan Ajpłataŭ praciahnie pracu sa svaim brendam paralelna z pracaj na našym pradpryjemstvie. U dadzieny momant jon budzie nadavać bolš času mienavita jamu».
Ivan Ajpłataŭ zastajecca ŭ składzie naziralnaha savieta «Elemy». Akramia taho, kiraŭnictva fabryki choča, kab jon praciahnuŭ pracu nad premijalnaj kalekcyjaj. Ciapier iduć pieramovy na hety kont.
«My nie razychodzimsia, prosta mianiajem farmat pracy», — patłumačyŭ Anatol Vieniedyktaŭ.
U bližejšyja paru miesiacaŭ «Elema» nie płanuje nikoha zaprašać na miesca Ajpłatava.
Nahadajem, dyzajnier staŭ kreatyŭnym dyrektaram fabryki ŭ śniežni 2014 hoda. Pad jaho kiraŭnictvam byli stvoranyja niekalki kalekcyj. Apošniuju ź ich, viasnovuju, «Elema» prezientavała na Tydni mody ŭ Maskvie.