Režym pracy punktaŭ propusku «Moldzievičy» i «Łyntupy» źmienicca z 11 studzienia
06.01.2016 / 17:45
Režym pracy punktaŭ sproščanaha propusku «Moldzievičy» i «Łyntupy» źmienicca z 11 studzienia, paviedamili ŭ pres-centry Dziaržpahrankamiteta Biełarusi.
«Punkt sproščanaha propusku «Moldzievičy» ciapier budzie pracavać z 9.00 da 20.00 pa paniadziełkach, aŭtorkach, sieradach i čaćviarhach. Pierasiekčy miažu ŭ «Łyntupach» budzie mahčyma z 9.00 da 20.00 pa piatnicach, subotach, niadzielach», — rastłumačyli ŭ pamiežnym viedamstvie Biełarusi. Režym pracy pakazany pa minskim časie.
U kamitecie nahadali, što praz hetyja punkty prapuskajucca hramadzianie, jakija pastajanna pražyvajuć na pamiežnaj terytoryi. Pry sabie nieabchodna mieć pašpart ź vizaj sumiežnaj dziaržavy. Dadatkovuju infarmacyju možna atrymać u Smarhonskaj pahraničnaj hrupie pa telefonie 8-01592-93301 kruhłasutačna abo 8-01592-30080 ŭ pracoŭny čas.