Minturyzmu: Biełaruskim haścinicam varta źnižać ceny
11.01.2016 / 07:54
Biełaruskim haścinicam varta źnižać svaje ceny. Pra heta ŭ efiry telekanała ANT zajaviŭ namieśnik ministra sportu i turyzmu Michaił Partnoj.
«My praanalizavali košt haścinic. U Maskvie try zorki kaštuje $40, u Prybałtycy - $ 30-40, u nas - $ 65-70. Ni ŭ jakim razie nielha dapuskać hetaha. Haścinicam i inšym srodkam raźmiaščeńnia nieabchodna źnižać svaje vydatki i źbivać hetuju canu», - upeŭnieny Michaił Partnoj.
Namieśnik ministra źviarnuŭ uvahu, što svabodnyja miescy jość i ŭ biełaruskich sanatoryjach, i ŭ haścinicach. «Nam usio-taki nieabchodna nie na vysokaj canie i pry niezapoŭnienych haścinicach pracavać, a, majučy nizkuju maržu, brać abjomami», - upeŭnieny jon.
Pa słovach Michaiła Partnoha, top-7 krain, žychary jakich čaściej pryjazdžajuć u Biełaruś, vyhladaje nastupnym čynam: Rasija, Vialikabrytanija, Hiermanija, Ukraina, Kitaj, Polšča, Turcyja.