Azaranka ŭźniałasia na 16-je miesca ŭ suśvietnym rejtynhu

11.01.2016 / 09:53

Biełaruska Viktoryja Azaranka paśla pieramohi na turniry ŭ aŭstralijskim Brysbenie padniałasia z 22-ha na 16-je miesca ŭ rejtynhu Žanočaj tenisnaj asacyjacyi (VTA). Na siońniašni dzień u aktyvie najlepšaj biełaruskaj tenisistki 2745 ačkoŭ.

U pieršuju sotniu suśvietnaha rejtynhu ŭvachodzić jašče adna biełaruskaja tenisistka Volha Havarcova, jakaja zajmaje 72-je miesca, majučy 835 zalikovych bałaŭ. U Alaksandry Sasnovič 610 ačkoŭ i 106-ja pazicyja.

Pieršaja dziasiatka ŭpieršyniu abnoŭlenaha sioleta rejtynhu WTA vyhladaje tak:

1. Sierena Uiljams (ZŠA) — 9945 ačkoŭ,

2. Simona Chalep (Rumynija) — 5880,

3. Harbin Muhuruza (Ispanija) — 5200,

4. Ahnieška Radvańska (Polšča) - 4670,

5. Maryja Šarapava (Rasija) - 4542,

6. Pietra Kvitava (Čechija) - 4111,

7. Anhielika Kierbier (Hiermanija) - 3710,

8. Fłavija Pienieta (Italija) - 3621,

9. Lusi Safarava (Čechija) - 3590,

10. Vinus Uiljams (ZŠA) - 3511.

Roŭna praz tydzień, 18 studzienia viadučyja tenisisty płaniety ŭ Mielburnie startujuć u pieršym u hetym siezonie turniry sieryi «Vialikaha šlema» — adkrytym čempijanacie Aŭstralii, ahulny pryzavy fond jakoha składzie $32 młn. Viktoryja Azaranka vyjhravała Australian Open dvojčy zapar — u 2012 i 2013 hadach.

BiełTA