U Łondanie pačynajecca budaŭnictva biełaruskaj carkvy: FOTA
Unijackuju carkvu Śviatoha Kiryły Turaŭskaha zbudujuć pobač sa znakamitaj Bibłijatekaj imia Skaryny.
11.01.2016 / 16:21
7 lutaha ŭ Londanie adbudziecca abrad zakładzinaŭ narožnaha kamienia Carkvy Śviatoha Kiryły Turaŭskaha i Ŭsich Śviatych Zastupnikaŭ Biełaruskaha Narodu, raskazaŭ «Našaj Nivie» a. Siarhiej Stasievič, biełaruski hreka-katalicki śviatar u Londanie.
U cyrymonii voźmuć udzieł japarch hreka-katalickaj Japarchii Śviatoha Siamiejstva biskup Hleb Łančyna i Apostalski nuncyj u Vialikaj Brytanii Antonijo Menini.
Budaŭničaja placoŭka biełaruskaj carkvy ŭ Londanie
Abrysy budučaj carkvy
Architektar biełaruskaj carkvy ŭ Londanie Rafael Czyŭaj So
Makiet budučaj carkvy
Carkva budujecca pobač sa znakamitymi biełaruskimi damami ŭ paŭnočnym Londanie: Bibłijatekaj imia Franciška Skaryny i Marian House. Architektaram vystupiŭ londanski architektar i parafijanin biełaruskaj hreka-katalickaj carkvy Rafael Czyŭaj So. Prajekt spałučaje elemienty sučasnaj architektury i tradycyjnaj architekturuy biełaruskich chramaŭ.
Zaviaršeńnie budaŭnictva carkvy planujecca ŭvosieni hetaha hodu.
Biełaruskaja hreka-katalickaja supolnaść isnuje ŭ Londanie ŭžo amal 70 hadoŭ. Na jaje čale stajali takija asoby, jak Česłaŭ Sipovič, pieršy paśla kasavańnia Unii biełaruski hreka-katalicki biskup, i a. Alaksandar Nadsan, aśvietnik, navukoviec, pierakładčyk, jakoha nia stała letaś. Namahańniami biełaruskich hreka-katalickich śviataroŭ u Londanie była stvoranaja Bibłijateka imia Skaryny, najbujniejšaja na siońniašni dzień biełaruskaja bibłijateka za miežami Biełarusi.
Hladzi taksama:
U Łondanie źjavicca biełaruskaja carkva pamiaci achviaraŭ Čarnobyla
Kab stvaryć biełaruskuju carkvu ŭ Łondanie, kitajec vyvučyŭ našu historyju