Łukašenka zaklikaŭ urad dumać pra ludziej
11.01.2016 / 12:54
Alaksandr Łukašenka nacelvaje ŭrad dumać pra ludziej i vytvorčaści pry realizacyi ekanamičnaj palityki. Pra heta siońnia išła razmova ŭ čas dakłada kiraŭniku dziaržavy pieršaha namieśnika premjer-ministra Vasila Maciušeŭskaha.
Pieršy vice-premjer pradstaviŭ kiraŭniku dziaržavy bačańnie ŭradam situacyi ŭ 2016 h. z ulikam źmienaŭ źniešnich makraekanamičnych umoŭ, a taksama siarednieterminovyja pierśpiektyvy vychadu na ŭstojlivyja tempy ekanamičnaha rostu.
Alaksandr Łukašenka adznačyŭ, što «pry ŭsich prablemach i ciažkaściach (ich budzie jašče niamała) nam treba dumać pra ludziej, pra vytvorčaść, pra raźvićcio dy zajmacca abaviazkovymi rečami».
Pry hetym kiraŭnik krainy zapatrabavaŭ, kab analiz pierśpiektyŭ pravodziŭsia ŭ hłabalnym płanie, nie abmiažoŭvaŭsia adnym rynkam i adnym napramkam. «Chaciełasia b, kab my rassunuli hetyja ramki i pahladzieli šyrej na toje, što adbyvajecca. Heta budzie sapraŭdny analiz, ad jakoha nikudy nie dziecca», - upeŭnieny Alaksandr Łukašenka.