У цэнтры Кёльна напалі на выхадцаў з Пакістана і Сірыі
11.01.2016 / 13:03
У цэнтры Кёльна невядомыя ўзброеныя людзі напалі на некалькіх выхадцаў з Пакістана і Сірыі, паведамляе Neuepresse ў панядзелак, 11 студзеня.
Напад адбыўся ў ноч на 11 студзеня. Двое чалавек былі шпіталізаваны, яшчэ адзін атрымаў лёгкія раненні. Паліцыянты заняліся расследаваннем нападу. Па папярэдніх дадзеных, на мужчын напала група з 20 чалавек.
Супрацоўнікі праваахоўных органаў высвятляюць, ці звязаны інцыдэнт з нападамі, якія адбыліся ў Германіі напярэдадні Новага года.