Były načalnik ašmianskaj mytni asudžany na 7 hadoŭ kałonii za karupcyju

12.01.2016 / 13:14

Minski abłasny sud pryhavaryŭ byłoha načalnika Ašmianskaj mytni da 7 hadoŭ kałonii za ździajśnieńnie złačynstva, praduhledžanaha č.3 art.430 (atrymańnie chabaru) Kryminalnaha kodeksa. Pra heta paviedamili ŭ pres-słužbie Viarchoŭnaha suda Biełarusi.

Abvinavačanamu pryznačana pakarańnie ŭ vyhladzie pazbaŭleńnia voli terminam na 7 hadoŭ z kanfiskacyjaj usioj majomaści, z pazbaŭleńniem prava zajmać pasady, źviazanyja z vykanańniem arhanizacyjna-rasparadčych i administracyjna-haspadarčych abaviazkaŭ terminam na 5 hadoŭ, z pazbaŭleńniem śpiecyjalnaha zvańnia dziaržaŭnaha daradcy mytnaj słužby treciaha ranhu, z adbyvańniem pakarańnia ŭ papraŭčaj kałonii va ŭmovach ŭzmocnienaha režymu.

Z byłoha načalnika mytni ŭ dachod dziaržavy taksama budzie spahnana za niezakonnaje ŭzbahačeńnie bolš Br238 młn.

Prysud u zakonnuju siłu nie ŭstupiŭ i moža być abskardžany va ŭstanoŭlenym paradku.