Śviatłana Kul. Haradzienskija lvicy

12.01.2016 / 19:13

Darahija sińjory i damy,
Nie parkujcie mašyny la bramy,
Chaj apoŭnačy choraša śpicca –
Nočču z bramy sychodziać ilvicy.

Apaśla špacyrujuć da tanka,
I ŭ haru cieraź plac brukavankaj —
Pastajać la staroha kaścioła,
Pryvitać na kaściole anioła.

Darahija sieńjory i sery,
Nie vychodźcie na płošču z kvateraŭ,
Zamykajcie apoŭnačy dźviery —
Špacyrujuć pa horadu źviery.

Jak načnaja hryvastaja varta
Dapilnujuć, padličać uparta
Marmurovyja lvicy-pačvary
Z karaleŭskaj uśmieškaj na tvary.

Tut pałaca niama, tam – kaścioła,
Pahulanki niama i Padoła,
Byccam niejkija chamy-prybłudy
Na ruinach stajać navabudy.

Nie vychodźcie z kvater i z hatelaŭ,
Kab za ździek vas ilvicy nie źjeli,
Pačakajcie, paśpicie da rańnia,
Darahija panovie i pani!