Prezident Litvy Hrynius udastojeny tytułu Praviednika narodaŭ śvietu

18.01.2016 / 15:06

Prezident Litvy Kazis Hrynius i jaho žonka ŭdastojeny tytuła Praviednikaŭ siarod narodaŭ śvietu za ich zasłuhi pa vyratavańni jaŭrejaŭ ad Chałakostu — paśmiarotna. Takoje rašeńnie pryniała kamisija Miemaryjalnaha muzieja Chałakosta Jad Vašem u Izraili, paviedamlaje Delfi.lt

K.Hrynius i jaho žonka Kryścina ŭ hady akupacyi Litvy nacystami prytulili svajho siabra — źniavolenaha Kaŭnaskaha hieta Dźmitryja Hielpierna.

Kazis Hrynius (1866—1950) byŭ pavodle adukacyi doktar.

U 1892 h. pracavaŭ u Minsku ŭ punkcie pa baraćbie z chaleraj.

Zajmaŭ pasadu prezidenta Litvy z 7 červienia da pieravarotu 17 śniežnia 1926 h. Padčas niamieckaj akupacyi Litvy ŭ 1942 hodzie razam z paplečnikami ŭručyŭ akupacyjnaj administracyi miemarandum, u jakim vykazvałasia zaniepakojenaść u suviazi z raspačataj niamieckaj kałanizacyjaj Litvy, represijami hramadzian, zabojstvami jaŭrejaŭ.