MUS Čačni zajaviła pra miljon udzielnikaŭ mitynhu ŭ Hroznym
22.01.2016 / 12:54
U mitynhu ŭ padtrymku kiraŭnika Čačni Ramzana Kadyrava, jaki prajšoŭ u Hroznym, uziało ŭdzieł kala miljona čałaviek, zajavili aficyjnyja pradstaŭniki respublikanskaha MUS.
«Nijakich incydentaŭ padčas akcyi nie zafiksavana», — dadali jany.
Fota @varlamov
Pavodle dadzienych Dziaržkamstata, nasielnictva Čačni na 1 śniežni 2015 hoda składała 1 393 000 čałaviek.
Mitynh u Hroznym byŭ zajaŭleny jak akcyja padtrymki kiraŭnika Čačni Ramzana Kadyrava. Pry hetym mnohija ŭdzielniki mierapryjemstva pryjšli z płakatami, na jakich byli napisanyja łozunhi suprać rasiejskich apazicyjnych dziejačaŭ.
Fota @scumsquad
Śpis łozunhaŭ dla mitynhu ŭ padtrymku Kadyrava napiaredadni mierapryjemstvy apublikavała vydańnie Znak.com. Bolšaść ź ich — heta ryfmavanyja kryčałki, u jakich utrymlivajucca niehatyŭnyja vykazvańni pra rasijskuju apazicyju.
Ramzan Kadyraŭ 12 studzienia nazvaŭ rasijskuju pazasistemnuju apazicyju «zdradnikami» i «vorahami naroda». Zajava Kadyrava vyklikała krytyku z boku pravaabaroncaŭ. U svaju čarhu šerah čačenskich palitykaŭ vystupili ŭ abaronu Kadyrava i z pahrozami ŭ adras apazicyjanieraŭ.