Улады Брытаніі і Біл Гейтс даюць $ 4 млрд на барацьбу з малярыяй
25.01.2016 / 07:53
Брытанскі ўрад і заснавальнік кампаніі Microsoft Біл Гейтс абвясцілі пра намер укласці 4 млрд даляраў у праект па барацьбе з малярыяй.
Праграма ўключае ў сябе распрацоўку новых відаў лекаў і сродкаў ад насякомых - разносчыкаў хваробы.
У артыкуле Біла Гейста і брытанскага міністра фінансаў Джорджа Осбарна, апублікаваным у газеце Times, адзначаецца, што кожную хвіліну на зямлі ад малярыі памірае адно дзіця.
Гейтс і Осбарн пішуць, што ўпэўнены ў магчымасці цалкам перамагчы малярыю, пакуль яны жывыя.
Па дадзеных Сусветнай арганізацыі аховы здароўя, у 2015 годзе ад малярыі памерлі 438.000 чалавек, большасць з іх - дзеці ва ўзросце да пяці гадоў. Асноўная частка памерлых жылі ў краінах Афрыкі.
Некалькі дзён таму Гейтс абвясціўа аб праграме па барацьбе з голадам у Нігерыі, на якую будзе выдаткавана 100 млн даляраў.