U Smarhonskim rajonie padletak vypaŭ z aŭtobusa. Kiroŭcu, jaki dapuściŭ heta, asudzili

28.01.2016 / 12:22

Usio adbyłosia 24 červienia minułaha hoda ŭ ahraharadku Soły Smarhonskaha rajona. Dzieci viartalisia paśla zakančeńnia źmieny ź letnika dla budučych spartsmienaŭ. Kali aŭtobus padjazdžaŭ da prypynku pa vulicy Sacyjalistyčnaj i jašče nie spyniŭsia, u jaho niečakana adčynilisia dźviery.

10-hadovy chłopčyk nie ŭtrymaŭsia ŭ aŭtobusie i vypaŭ na prajeznuju častku. U vyniku padzieńnia jon atrymaŭ ciažkija traŭmy hałavy.

U chodzie rasśledavańnia było ŭstanoŭlena, što kiroŭca byŭ ćviarozy, ale parušyŭ šerah patrabavańniaŭ Praviłaŭ darožnaha ruchu. U pryvatnaści, abaviazak harantavać biaśpiečnyja ŭmovy pieravozki pasažyraŭ, ažyćciaŭlać pasadku i vysadku pasažyraŭ tolki paśla poŭnaha prypynku transpartnaha srodku, a pačynać ruch — tolki z začynienymi dźviaryma i nie adčyniać ich da poŭnaha prypynku, paviedamlaje «Hrodzienskaja praŭda».

Kiroŭcu aŭtobusa pryznačana pakarańnie ŭ vyhladzie dvuch hadoŭ abmiežavańnia voli z nakiravańniem u vypraŭlenčuju ŭstanovu adkrytaha typu i pazbaŭleńnia prava kiravać transpartnymi srodkami na 5 hadoŭ.