Нафта падаражэла да 35 даляраў за бараль
28.01.2016 / 18:04
Цана нафты маркі Brent на таргах ў Лондане перавысіла 35 даляраў за бараль. За дзень яна падаражэла больш чым на пяць працэнтаў.
Міністр энергетыкі РФ Аляксандр Новак 28 студзеня паведаміў, што Расія можа прыняць удзел у пасяджэнні прадстаўнікоў краін-вытворцаў нафты, якое мае намер склікаць АПЕК. Мяркуецца, што на гэтай сустрэчы пойдзе гаворка аб скарачэнні здабычы нафты дзеля павышэння цэнаў на яе.