Налётчык, якога шукае мінская міліцыя, скраў 18 млн. рублёў у букмекерскай канторы
30.01.2016 / 21:32
Падрабязнасці разбойнага нападу, здзейсненага ўвечары 29 студзеня ў Мінску, паведаміў тэлеканал АНТ у праграме «Навіны» вечарам 30 студзеня.
Раней мінская міліцыя звярнулася да грамадзян з просьбай аб дапамозе ў вышуку злачынцы. Твару мужчыны на гэтых фатаграфіях не відаць — ён у масцы. Паведамлялася толькі, што разбойны напад здзейснены 29 студзеня ў 22.04 у Партызанскім раёне. Іншых падрабязнасцяў не было.
АНТ паведаміла, што разбойны напад з «голымі рукамі» быў здзейснены на букмекерскую кантору на вуліцы Філімонава. Невядомы злачынца скраў 18 млн. рублёў.