«U mnohich haradach nočču na taksi jeździać»: u «Staličnym transparcie» zadumalisia pra źmianšeńnie kolkaści transpartu paśla 23:00

31.01.2016 / 15:25

Pra heta ŭ intervju haziecie «Viečiernij Minsk» raskazaŭ dyrektar dziaržaŭnaj ustanovy «Staličny transpart i suviaź» (HU «STS») Valeryj Škurataŭ. Na pytańnie, što buduć rabić u Minsku z hramadskim transpartam nočču — ekśpierymient z načnymi maršrutkami, na dumku čynoŭnika, pravaliŭsia - dyrektar STS adkazaŭ: budziem skaračać čas pracy.

«U bolšaści krain, u tym liku ŭ bujnych haradach, hramadski haradski transpart pracuje da 23:00, a ŭ nas da hadziny nočy. Ja vyvučaŭ dośvied pracy kalehaŭ u Chielsinki, Piekinie, Šanchai. Paśla 23:00 tam jeździać na taksi. Vierahodna, z hetaha hoda i my budziem skaračać čas pracy transpartu. Pačniem ź mietrapalitena: mahčyma, u paźniejšyja hadziny pavialičym intervały ruchu ciahnikoŭ».

Dakładnuju datu pačatku novaha ekśpierymientu Valeryj Škurataŭ nie ŭdakładniŭ.