ДАІ навучаць, як не рабіць «жывы шчыт»
Супрацоўнікі ДПС сталічнай Дзяржаўтаінспэкцыі адпрацуюць дзеяньні пры перасьледзе і затрыманьні транспартнага сродку.
10.04.2008 / 16:01
Як паведамілі БелаПАН ва УДАІ ГУУС Мінгарвыканкама, мэта мерапрыемства — удасканаленне прафесійнага майстэрства асабовага складу, павышэнне эфектыўнасці службовай дзейнасці супрацоўнікаў ДАІ.
Падчас збору‑нарады на тэрыторыі ЗАТ «Гандлёвы свет «Кальцо» інструктары вышэйшай школы вадзіцельскага майстэрства Беларускага дзяржаўнага універсітэта фізічнай культуры і супрацоўнікі дарожна‑патрульнай службы на практыцы адпрацуюць дзеянні асабовага складу ДАІ пры пераследзе, затрыманні транспартнага сродку, вадзіцель якога не падпарадкаваўся патрабаванню супрацоўніка міліцыі аб спыненні.
У памяшканні ўпраўлення ДАІ ГУУС Мінгарвыканкама будуць арганізаваны майстар‑класы па правільным афармленні дарожна‑транспартнага здарэння, веданні Правілаў дарожнага руху і нарматыўна‑прававой базы. Псіхолагі правядуць заняткі з супрацоўнікамі ДАІ па правільных зносінах з удзельнікамі дарожнага руху, паведамяць пра тое, як пазбегнуць канфліктнай сітуацыі.