Цела беларуса са слядамі пабоеў і ін'екцый наркотыкаў знойдзенае ў цэнтры Масквы
03.02.2016 / 11:39
Цела грамадзяніна Беларусі са слядамі пабоеў і ін'екцый наркотыкаў знойдзенае ў будынку культурнага цэнтра Вышэйшай школы эканомікі ў цэнтры Масквы.
«Цела мужчыны было знойдзенае раніцай 2 лютага ў адміністрацыйным будынку на вуліцы Варанцова Поле ў памяшканні распранальні. Побач з целам выяўлены шпрыц з наркатычным рэчывам», — паведаміў прадстаўнік праваахоўных органаў Масквы.
На падставе гэтага факта следчыя органы пачалі праверку, вырашаецца пытанне аб распачынанні крымінальнай справы.