Šorac: Prablemy z parkoŭkami my nie vyrašym nikoli
04.02.2016 / 18:49
U Minsku niama prablem z parkoŭkami, jość niedachop parkovačnych miescaŭ la padjezdaŭ. Pra heta zajaviŭ žurnalistam staršynia Minharvykankama Andrej Šorac.
realt.by
«I hetuju prablemu my nie vyrašym nikoli. Nielha pabudavać kala kožnaha padjezda parkoŭku. U toj čas, kali la damoŭ u niekalki šerahaŭ pryparkavanyja mašyny, parkinhi pustujuć. Kab situacyja źmianiłasia, nieabchodna mianiać śviadomaść hramadzian», — skazaŭ Andrej Šorac.
U prykład jon pryvioŭ situacyju na pierachopnych stajankach. «Z 200 miescaŭ na stajancy zaniata maksimum 10. Pra što heta kaža? Haradžanie chočuć parkavacca vyklučna pad voknami svaich ofisaŭ i damoŭ», — adznačyŭ kiraŭnik horada.
Siońnia prapracoŭvajecca pytańnie ab uviadzieńni adkaznaści za niavypłatu płatnaj parkoŭki. Kolkaść płatnych miescaŭ dla parkoŭki ŭ centry stalicy stanie raści. Paralelna buduć zakryvacca dvary. Adnak, pa słovach staršyni Minharvykankama, heta sprava nie bližejšaha času, bo nieabchodna stvaryć adpaviednuju narmatyŭna-pravavuju bazu.