Pucin — Łukašenku: «Vielmi rady vas bačyć. Nam jość pra što pahavaryć»
05.02.2016 / 18:53
Biełaruś i Rasija majuć namier pradoŭžyć umacavańnie dvuchbakovaha ŭzajemadziejańnia pa ŭsich napramkach. Takaja damoŭlenaść dasiahnuta ŭ čas sustrečy Alaksandra Łukašenki z Uładzimiram Pucinym, jakaja adbyłasia 5 lutaha ŭ Sočy. Pra heta paviedamili ŭ pres-słužbie biełaruskaha lidara.
Asnoŭnaja ŭvaha ŭ čas pieramoŭ była nadadzienaja majučym adbycca ŭ lutym važnym dla biełaruska-rasijskaha ŭzajemadziejańnia padziejam. U pryvatnaści, lidary dźviuch dziaržaŭ padrabiazna razhledzieli paradak dnia namiečanaha na luty pasiadžeńnia Vyšejšaha dziaržaŭnaha savieta. Kiraŭnik Biełarusi adznačyŭ, što papiarednie hetu temu jon abmierkavaŭ u Sočy z kiraŭnikom rasijskaha ŭrada.
«U nas była mahčymaść sustrecca z premjer-ministram Dźmitryjem Miadźviedzievym pa vašym daručeńni. My padrabiazna havaryli ab pasiadžeńni VDS, a taksama ab pasiadžeńni Savieta Ministraŭ Sajuznaj dziaržavy, jakoje projdzie ŭ Mahilovie», — kanstatavaŭ kiraŭnik biełaruskaj dziaržavy.
Uładzimir Pucin padkreśliŭ važnaść pierahavoraŭ ź biełaruskim lidaram napiaredadni pasiadžeńnia Vyšejšaha dziaržaŭnaha savieta. «Vielmi rady vas bačyć, — skazaŭ rasijski kiraŭnik. — Nam jość pra što pahavaryć».
Prezident Rasii prapanavaŭ parazmaŭlać «nakont biahučych dvuchbakovych spraŭ i ab rehijanalnych pytańniach, a taksama ab sumiesnych namahańniach pa ŭmacavańni intehracyjnych pracesaŭ».
Z ulikam majučych adbycca biełaruska-rasijskich mierapryjemstvaŭ kiraŭniki Biełarusi i Rasii ŭzhadnili pazicyi pa šerahu pytańniaŭ. Lidary dźviuch krain pahadzilisia z tym, što nieabchodna abjadnoŭvać namahańni va ŭmovach sučasnych vyklikaŭ.
Akramia taho, na pierahavorach Alaksandr Łukašenka i Uładzimir Pucin zakranuli pytańni mižnarodnaha paradku dnia, temu mižnarodnaj i rehijanalnaj biaśpieki.