Sport

Kubak Devisa. Biełarusy prajhrali Švajcaryi

abnoŭlena

U hałoŭnym pajadynku Uładzimier Vaŭčkoŭ sastupiŭ u najdramatyčnym dvuboi Stanisłasu Vaŭrynku ŭ piaci setach.

Uładzimier Vaŭčkoŭ, jaki zamianiŭ u niadzielu №1 zbornaj Maksima Mirnaha, sastupiŭ u najdramatyčniejšym matčy Stanisłasu Vaŭrynku 2:3.

Pieršy set biełarus prajhraŭ na taj-breku 6:7, druhi vyjhraŭ 6:4, a taksama treci -- 6:0 (!), ale sastupiŭ u čaćviertym i piatym: 5:7, 4:6.

Lik staŭ 1:3 na karyść haściej, i hulnia Uładzimiera Ihnacika i Iva Alehro ničoha nie vyrašała. Biełarus prajhraŭ 0:2 (6:7, 0:6). Taki čynam lik matču staŭ 1:4.

Švajcarcy vyjšli ŭ płej-of, i ŭ vieraśni pazmahajucca za vychad u asnoŭnuju hrupu Kubku Devisa. Biełarusam ža daviadziecca pačynać šlach navierch z Eŭra-Afrykanskaj zony. 18-20 lipienia jany buduć hulać z kamandaj Polščy ŭ pieršym raŭndzie płej-of 1-j Eŭra-Afrykanskaj zony.

Niahledziačy na parazu: i Vaŭčkoŭ i Ihnacik vielmi dobra hladzielisia ŭ svaich pajadynkach sa Stanisłasam Vaŭrynkam, jaki zajmaje 30-je miesca ŭ rejtynhu Asacyjacyi tenisistaŭ-prafesijanałaŭ.

Kamientary da artykuła