Hukarežysior Biełteleradyjokampanii abviaściŭ pra haładoŭku
17.02.2016 / 10:37
Hukarežysior Biełteleradyjokampanii Uładzimir Žołudź abviaściŭ pra haładoŭku. Pra heta jon zajaviŭ u svaim videazvarocie.
«Abaviazvajusia ničoha nie jeści, pić tolki vadu. Praciahvaju pracavać u štatnym režymie, zhodna z raskładam. Dziakuju za ŭvahu», — zajaviŭ jon u svaim videazvarocie.
Pavodle jaho słoŭ, padstavaj dla haładoŭki pasłužyła apošniaja videatranślacyja nacyjanalnaha adboru na «Jeŭrabačańnie». Žołudź raspavioŭ, što sistema apłaty pracy na Biełteleradyjokampanii ŭładkavanaja takim čynam, što supracoŭniki majuć nievialikija akłady — sam Uładzimir atrymlivaje 600 tysiač na paŭstaŭki, a astatni zarobak zabiaśpiečvajuć hanarary za prahramy, jakija vyjšli ŭ efir.
Jak raspaviadaje Uładzimir u svaim videazvarocie, za pracu, składanuju i «technałahičnuju» va ŭsich adnosinach, za nacyjanalny adbor na «Jeŭrabačańnie», jon atrymaŭ 600 tysiač rubloŭ. Uładzimir Žołudź taksama ŭdakładniaje, što hetaja situacyja z hodu ŭ hod paŭtarajecca. Niahledziačy na toje što, pavodle jaho słoŭ, kiraŭnictva telekampanii abiacała pajści jamu nasustrač i pavysić apłatu, ničoha nie źmianiłasia.
Paśla taho jak Uładzimir u čarhovy raz uźniaŭ pytańnie ab pavieličeńni apłaty, jamu prapanavali zvolnicca albo źviarnucca da adnaho z kiraŭnikoŭ Biełteleradyjokampanii, jakija ŭ kursie prablemy. Pryjom pryznačany na 23 lutaha.
«Paśla taho jak daviedalisia, što ja zapisaŭsia na pryjom, mnie parekamiendavali zabrać zajavu na zvalnieńnie. Pry hetym ja poŭny rašučaści i ź siońniašniaha dnia, 15 lutaha, abviaščaju haładoŭku. Heta nie niejkija ultymatumy — ja prosta chaču, kab kiraŭnictva kampanii źviarnuła ŭvahu na isnujučuju prablemu», — skazaŭ jon.
Pa słovach Uładzimira Žołudzia, spynić jon haładoŭku ci praciahnie — zaležyć ad vynikaŭ sustrečy.
Jon taksama adznačaje, što ŭmovy pracy na inšych biełaruskich kanałach, ANT i STV, na jaho pohlad, lepšyja: naprykład, u supracoŭnikaŭ hetych kanałaŭ jość abied i h.d.
Biełteleradyjokampanija — samy bujny ŭ Biełarusi dziaržaŭny miedyjachołdynh. U strukturu Biełteleradyjokampanii ŭvachodziać 7 televizijnych kanałaŭ, 5 kanałaŭ radyjo, 5 abłasnych teleradyjokampanij.