Prezident ZŠA naviedaje Kubu ŭpieršyniu za 80 hadoŭ
18.02.2016 / 07:37
Bieły dom rychtuje vizit amierykanskaha lidara Baraka Abamy na Kubu, paviedamlaje telekanał ABC sa spasyłkaj na nienazvanyja krynicy. paćviardžaje Reuters sa spasyłkaj na ŭłasnyja ananimnyja krynicy.
Kali pajezdka adbudziecca, heta budzie pieršy vizit prezidenta ZŠA na Kubu z 20-ch hadoŭ minułaha stahodździa.
Pavodle infarmacyi ABC, pra vizit moža być abvieščana 18 lutaha na bryfinhu ŭ Biełym domie. Pajezdka zapłanavana na 21-22 sakavika pierad vizitam Abamy ŭ Arhiencinu.
Adzinym prezidentam, jaki naviedaŭ Kubu, znachodziačysia na pasadzie, byŭ Kałvin Kulidž. Jon pryjazdžaŭ na Kubu ŭ 1928 hodzie.
Taksama Kubu ŭ 2002 hodzie naviedaŭ Džymi Karter, jaki zajmaŭ pasadu prezidenta ZŠA ŭ 1977-1981 hadach.