Pry vybuchu ŭ Ankary zahinuła nie mienš za 28 čałaviek
18.02.2016 / 08:06
U vyniku mahutnaha vybuchu ŭ Ankary zahinuli prynamsi 28 čałaviek. Jašče 61 atrymali ranieńni, paviedamlajuć pradstaŭniki ŭrada Turcyi.
Načynieny vybuchoŭkaj aŭtamabil vybuchnuŭ, kali mima prajazdžali aŭtobusy z vajskoŭcami, zajaŭlaje kancylaryja hubiernatara Ankary.
Vybuch adbyŭsia niepadalok ad budynkaŭ parłamienta i hienštaba. Namieśnik premjer-ministra Turcyi Biekir Bazdah nazvaŭ hety vybuch teraktam.
Vidavočcy paviedamlajuć, što vybuch byŭ čutny amal pa ŭsim horadzie. Niekatoryja z zahinułych byli hramadzianskimi asobami.
Prezident Turcyi Redžep Taip Erdahan adkłaŭ svoj vizit u Azierbajdžan. Premjer-ministr Turcyi Achmiet Davutahłu admianiŭ svaju pajezdku ŭ Brusel, dzie jon pavinien byŭ abmiarkoŭvać pytańnie mihracyi ŭ Jeŭropu.
Pakul nie jasna, chto staić za apošnim vybucham. Słužby biaśpieki vinavaciać jak ekstremistaŭ «Isłamskaj dziaržavy», tak i Rabočuju partyju Kurdystana.