Vybary prezidenta va Uhandzie: Musievieni zmahajecca za piaty termin
18.02.2016 / 09:16
Va Uhandzie pačalisia prezidenckija vybary, favarytam u jakich ličycca Joviery Kahuta Musievieni, jaki kiruje krainaj na praciahu 30 hadoŭ. Aproč jaho, taksama ŭdzielničajuć siem kandydataŭ.
Paviedamlajecca, što niekatoryja žychary Uhandy nie mohuć uvajści ŭ sacsietki, u tym liku «Fejsbuk» i «Tviter».
Choć vybary ŭžo pačalisia, niekatoryja vybarčyja ŭčastki ŭ stalicy krainy Kampale da hetaha času nie atrymali vybarčyja biuleteni. Karespandenty Bi-bi-si, jakija znachodziacca na vybarčym učastku ŭ miascovym nacyjanalnym teatry, paviedamili, što arhanizatary pačali rychtavacca da adkryćcia praz amal hadzinu paśla pačatku hałasavańnia.
Asnoŭnyja supierniki Musievini — lidar apazicyi Kiza Biesidže i były premjer-ministr krainy Amama Mbabazi.
Dla pieramohi ŭ pieršym tury kandydatu nieabchodna nabrać bolš za 50% hałasoŭ.
71-hadovy Musievieni zajmaje pasadu prezidenta paśla pieramohi ŭ piacihadovaj hramadzianskaj vajnie ŭ 1986 hodzie. Jon adzin z najbolš doŭha kirujučych lidaraŭ Afryki.
Jaho zaklučny termin pavinien byŭ skončycca ŭ 2006 hodzie, adnak u 2005-ym jamu ŭdałosia admianić kanstytucyjnyja abmiežavańni.
U chodzie vybaraŭ dva apazicyjnyja kandydaty vinavacili prezidenta ŭ karupcyi i padviarhali krytycy jaho ekanamičnuju palityku. Musievieni adprečvaŭ usie abvinavačvańni.