Prezident Polščy padpisaŭ zakon ab štomiesiačnaj vypłacie na dzicia 120 jeŭra
18.02.2016 / 10:58
17 lutaha prezident Polščy Andžej Duda padpisaŭ zakon ab dziaržaŭnaj dapamozie ŭ vychavańni dziaciej.
Havorka idzie pra ŭradavuju prahramu «Siamja 500+», jakaja praduhledžvaje vydzialeńnie 500 złotych (kala 120 jeŭra) štomiesiac na kožnaje druhoje i nastupnaje dzicia.
Małamajomasnym siemjam materyjalnaja padtrymka budzie akazvacca pry naradžeńni ŭžo pieršaha dziciaci. Havorka idzie pra tyja siemji, u jakich dachod na adnaho člena siamji nie pieravyšaje 800 złotych (kala 190 jeŭra) i 1200 złotych (kala 280 jeŭra) u vypadku dziaciej ź invalidnaściu.
Dziaržava budzie vypłačvać dapamohi da momantu dasiahnieńnia dziciem 18-hadovaha ŭzrostu.
Vypłata dapamoh pačniecca ŭžo ŭ krasaviku 2016 hoda.