Łukašenka źbirajecca sioleta znoŭ naviedać Pakistan

18.02.2016 / 12:12

Pa inicyjatyvie pakistanskaha boku siońnia adbyłasia telefonnaja razmova Alaksandra Łukašenki z premjer-ministram Pakistana Navazam Šaryfam.

U čas hutarki byli detalova abmierkavany biahučaja situacyja i pierśpiektyvy raźvićcia dvuchbakovych adnosin, a taksama mižnarodny paradak dnia.

Adnym z vynikaŭ razmovy stała damoŭlenaść ab tym, što ŭ sioleta Alaksandr Łukašenka naviedaje Pakistan z aficyjnym vizitam. U čas razmovy baki vykazali ŭpeŭnienaść, što budučy vizit nadaść novy impuls dvuchbakovym adnosinam i dazvolić dabicca praryvu ŭ supracoŭnictvie, a taksama ŭstalavać bolš ciesnyja palityčnyja i handlova-ekanamičnyja suviazi. Kankretnyja terminy vizitu buduć uzhodnieny paźniej pa dypłamatyčnych kanałach.

U cełym kiraŭnik Biełarusi i premjer-ministr Pakistana vykazali ŭpeŭnienaść u tym, što krainy čakaje ščylnaje, napoŭnienaje kankretykaj supracoŭnictva ŭ ekanomicy, palitycy, sacyjalnaj i humanitarnaj śfierach, paviedamlaje pres-słužba.

Alaksandr Łukašenka naviedvaŭ Pakistan u mai 2015 hoda.

BiełTA