Vałensa abvierhnuŭ zajavy pra svajo supracoŭnictva sa śpiecsłužbami PNR
18.02.2016 / 14:58
radiopolsha.pl
Lidar ruchu «Salidarnaść» i paźniej prezident Polščy Lech Vałensa 18 lutaha abvierhnuŭ najaŭnaść dakumientaŭ, jakija paćviardžajuć jaho supracoŭnictva sa śpiecsłužbami kamunistyčnaj Polščy.
«Nie isnuje nijakich dakumientaŭ z maim podpisam. Kali b byli, to nie było b nieabchodnaści ich padrablać. U sudzie ja heta dakažu», — napisaŭ u svaim mikrabłohu Lech Vałensa.
Jak paviedamiŭ siońnia kiraŭnik Instytuta nacyjanalnaj pamiaci Łukaš Kaminski, siarod dakumientaŭ, znojdzienych u domie Maryi Kiščak [udavy hienierała Česłava Kiščaka, kiraŭnika MUS časoŭ PNR, jaki pamior u listapadzie 2015 h.], znachodzicca tečka z dakumientami, jakija tyčacca pracy sakretnaha supracoŭnika, psieŭdanim «Bolek», i abaviazacielstva ab supracoŭnictvie, padpisanaje Lecham Vałensam.
Kiraŭnik INP taksama dadaŭ, što na dumku ekśpierta-archivista, dakumienty — sapraŭdnyja. Nahadajem, što šerah historykaŭ zapeŭnivajuć, što lidar ruchu «Salidarnaść» i paźniej prezident Polščy Lech Vałensa ŭ časy PNR supracoŭničaŭ sa słužbami biaśpieki.