U Šatłandyi vypuścili kulenieprabivalnuju meblu
25.02.2016 / 17:04
Šatłandskaja firma Ostin Shield prezientavała kalekcyju kulenieprabivalnaj mebli, raspracavanaj śpiecyjalna na vypadak teraktaŭ.
Osdin Shield
Harnitur składajecca z kresłaŭ i kanap, umacavanych admysłovymi broniepłaścinami. U pres-relizie kampanii havorycca, što płaściny nie vidać niaŭzbrojenym vokam, jany nijak nie psujuć sučasny i stylny dyzajn mebli i nie stvarajuć dyskamfortu.
Jak zajaŭlaje vytvorca, broniepłaściny harantavana abaraniajuć ad samych papularnych pistaletnych kalibraŭ, a taksama ad rasijskaha pramiežkavaha patrona kalibru 7,62 mm, jaki vykarystoŭvajuć, u pryvatnaści, rannija varyjanty aŭtamata Kałašnikava.
Pa zadumcy kampanii, u vypadku napadu terarystaŭ z ahniastrelnaj zbrojaj ich patencyjnyja achviary zmohuć schavacca ad ahniu za braniavanaj meblaj, što istotna pavysić ich šancy na vyžyvańnie.
Kampanija adznačaje, što, jak prademanstravali niadaŭnija terakty ŭ Paryžy, u apošni čas terarysty ŭsio čaściej addajuć pieravahu aŭtamatam pierad bombami. Pieršaj reakcyjaj ludziej na padobnyja napady zvyčajna stanovicca sproba schavacca za čymści, čaściej za ŭsio za meblaj.
U suviazi z hetym kampanija ličyć, što kulenieprabivalnaja mebla mahła b karystacca popytam u baraŭ, restaranaŭ, haścinic i inšych hramadskich miescaŭ, jakija patencyjna mohuć stać abjektam napadu terarystaŭ.