Apošnija zvanki projduć 30—31 maja, vypusknyja — 10—11 červienia
02.03.2016 / 15:31
Vypusknyja viečary dla navučencaŭ 11-ch kłasaŭ projduć 10—11 červienia, paviedamiła pres-sakratar Ministerstva adukacyi Jułija Baradun.
Vypusknyja viečary projduć tradycyjna na bazie škoł, himnazij, licejaŭ. Administracyjam ustanoŭ adukacyi, pradstaŭnikam baćkoŭskaj i vučnioŭskaj hramadskaści, apiakunčym radam pa piśmovym uzhadnieńni z administracyjami rajonaŭ dadziena prava vyznačać čas ich zakančeńnia. Płanujecca, što praces praviadzieńnia vypusknych ekzamienaŭ, afarmleńnia adpaviednych dakumientaŭ, a taksama vypusknych viečaroŭ projdzie da 11 červienia ŭklučna, bo pavodle hrafiku pieršy ispyt centralizavanaha testavańnia (pa biełaruskaj movie) adbudziecca 13 červienia.
Navučalny hod zaviaršajecca 31 maja, apošnija zvanki dla navučencaŭ 9-ch i 11-ch kłasaŭ ustanoŭ adukacyi projduć 30 maja.
Vypusknyja ekzamieny pa zaviaršeńni navučańnia na II i III stupieniach ahulnaj siaredniaj adukacyi pravodziacca z 1 pa 11 červienia. Ekzamieny pa navučalnych pradmietach u piśmovaj formie pačynajucca a 9 hadzinie. Sioleta akramia abviaščeńnia pa telebačańni i radyjo teksty i zadańni buduć raźmieščany na partale Ministerstva adukacyi (edu.gov.by).
U hetym navučalnym hodzie ŭ Biełarusi siaredniuju škołu zakončać bolš za 57 tys. čałaviek.