Nietańjachu admoviŭsia sustrecca z Abamam

08.03.2016 / 10:54

Izrailski premjer Bińjamin Nietańjachu admoviŭsia ad sustrečy z Barakam Abamam. Zaprašeńnie naviedać Bieły dom było adpraŭlena izrailskamu premjeru jašče dva tydni tamu, ale aficyjnaha adkazu na jaho nie było, zajaviŭ na pres-kanfierencyi ŭ paniadziełak pres-sakratar Savieta biaśpieki ZŠA Ned Prajs.

Jak udakładniŭ Prajs, zamiest hetaha Nietańjachu rasparadziŭsia całkam admianić svoj vizit u ZŠA.

«My ź nieciarpieńniem čakali mahčymaści pravieści dvuchbakovuju sustreču, i tolki niadaŭna sa ŚMI daviedalisia, što premjer-ministr vyrašyŭ nie prymać naša zaprašeńnie i admianiŭ vizit», — skazaŭ Prajs.

Pavodle jaho, śćviardžeńnia izrailskaha boku ab tym, što sustreča admienienaja z-za taho, što jana nie ŭkładvajecca ŭ hrafik Nietańjachu, «nie adpaviadajuć rečaisnaści».

Padčas svajho vizitu Nietańjachu pavinien byŭ vystupić u Amierykana-izrailskim kamitecie pa hramadskich suviaziach — NKA, jakuju nazyvajuć adnoj z asnoŭnych praizrailskich łabisckich hrup u ZŠA. Ciapier adno z hałoŭnych pytańniaŭ u paradku adnosin dźviuch krain — pamier pakieta vajennaj dapamohi, jaki ŭ bližejšy čas maje być pradastaŭleny Izrailu z boku ZŠA.

Nietańjachu paśladoŭna vystupaje suprać padpisanaj u lipieni mižnarodnaj damovy pa jadziernaj prahramie Irana. Na dumku premjera, pradstaŭniki «šaściorki» krain-pieramoŭščykaŭ prajavili słabaść, zaklučyŭšy heta pahadnieńnie.