«Huančžoŭ Evierhrand» adabraŭ u «Reała» tytuł samaha darahoha futbolnaha kłuba
09.03.2016 / 10:37
U lutym «Evierhrand» kupiŭ kałumbijskaha forvarda Džeksana Marciniesa za 42 młn jeŭra
Kitajski futbolny kłub «Huančžoŭ Evierhrand» staŭ samym darahim kłubam u śviecie, abyšoŭšy pa košcie madrydski «Reał» i «Mančestar Junajted», paviedamlaje kitajskaje ahienctva Sińchua.
Paśla raźmiaščeńnia akcyi na kitajskaj biržy NEEQ kłub byŭ acenieny ŭ 3,35 młrd dalaraŭ. Rynkavy košt «Reała» składaje 3,26 młrd dalaraŭ, a «Mančestara» - 2,35 młrd dalaraŭ.
Adnak dachody kłubaŭ niesupastaŭnyja. Za apošnija try hady kitajski kłub zarabiŭ prykładna 61 młn dalaraŭ, tady jak dachod «MIU» skłaŭ kala 400 młn dalaraŭ.
Futbolny kłub «Huančžoŭ Evierhrand» byŭ zasnavany ŭ 1954 hodzie. Jaho hałoŭnym trenieram źjaŭlajecca brazilec Łuis Felipe Skałary.
Kłub viadomy svaimi hučnymi nabytkami. U pryvatnaści, zimoj za 42 młn jeŭra byŭ nabyty kałumbijski forvard Džeksan Marcinies.
Za «Huančžoŭ Evierhrand» taksama vystupajuć takija viadomyja hulcy, jak brazilcy Paŭlina i Rykarda Hułart.