Knihi, što pradavalisia na čarnasocienskaj kanfierencyi ŭ Nacbiblijatecy, pryznanyja ŭ Biełarusi ekstremisckimi
Hazieta «Źviazda» apublikavała śpis zabaronienaj u Biełarusi litaratury.
16.03.2016 / 19:28
Aproč inšych knih, tam paznačanyja tvory Aleha Płatonava — adnaho z chedłajnieraŭ čarnasocienskaj kanfierencyi, što prajšła na minułych vychodnych u Minsku.
«Tajemny suśvietny ŭrad» — hetaja kniha z ekstremisckaha śpisu pradavałasia naŭprost ŭ Nacyjanalnaj biblijatecy, nie zvažajučy na toje, što sud zabaraniŭ jaje raspaŭsiud u Biełarusi jašče ŭ 2008 hodzie.
Taksama ekstremisckimi značacca jašče try tvory hetaha ž aŭtara: «Tajamnicy sijonskich pratakołaŭ», «Ruski supraciŭ» i «Vajna z unutranym voraham».
Varta adznačyć, što kniha «Sijonskija pratakoły ŭ suśvietnaj palitycy», jakaja taksama pradavałasia ŭ Minsku, adsutničaje va ŭsich knihahrafijach čarnasocienca i pa svaim źmiestie vielmi nahadvaje zabaronienuju «Tajamnicu sijonskich pratakołaŭ».
Vyhladaje, što źmianiłasia tolki forma — knihu, najchutčej, pieravydali pad inšaj nazvaj, kab paźbiehnuć adkaznaści.
Aleh Płatonaŭ adrazu za mužčynam z čyrvonaj stužkaj na hałavie.
Siońnia ŭ nas nie atrymałasia dazvanicca da kiraŭnictva Nacyjanalnaj biblijateki, dzie rasijskija čarnasociency arhanizavali kanfierencyju i zbyt zabaronienaj litaratury.
Užo kolki dzion z roznych pryčyn (narady, zaniatki) nie atrymlivajecca pahavaryć i z kiraŭnictvam fiłfaka BDU, dzie hetaha impierca pradstavili jak «viadomaha piśmieńnika» i arhanizavali ź im sustreču, što miełasia adbycca ŭ subotu.
* * *