Abama asabista zaklikaŭ Pucina vyzvalić Saŭčanka

16.03.2016 / 21:58

Prezident ZŠA Barak Abama padčas telefonnaj razmovy z prezidentam RF Uładzimiram Pucinym u paniadziełak zaklikaŭ vyzvalić ŭkrainskuju lotčycu Nadzieju Saŭčanka.

Pra heta zajaviŭ pres-sakratar pasolstva ZŠA ŭ Maskvie Uił Styviens, paviedamlaje »Interfaks-Ukraina».

«Prezident ZŠA Barak Abama zaklikaŭ svajho rasijskaha kalehu Uładzimira Pucina vyzvalić zatrymanuju lotčycu i parłamientaryja Nadzieju Saŭčanka ŭ adpaviednaści z pałažeńniami Minskich damoŭlenaściej ab nieabchodnaści vyzvaleńnia ŭsich asob, jakija ŭtrymlivajucca niezakonna», — skazaŭ amierykanski dypłamat.

Raniej ŚMI paviedamili pra toje, što Pucin asabista paabiacaŭ kancleru Hiermanii Anhiele Mierkiel vyzvalić Saŭčanka paśla prysudu suda.

Abviaščeńnie prysudu pryznačanaje na 21-22 sakavika.