Hieroj Biełarusi narodzić dzicia ad hieroja Narviehii

abnoŭlena

05.04.2016 / 23:04

vk.com

Trochrazovaja alimpiĭskaja čempijënka, Hieroĭ Biełarusi Darja Domračava čakaje dzicia. Baćkam stanie narviežski bijatłanist, vaśmirazovy alimpiĭski čempijën Ole Eĭnar Bjërndalen.

Pra ciažarnaść Domračavaj jën zajaviŭ na admysłova sklikanaĭ pres-kanfierencyi.

Fota: Olav Olsen, Aftenposten.no

«U mianie blizkija adnosiny z Darjaĭ, jakija praciahvajuć raźvivacca. My para i ŭ kastryčniku čakajem naradžeńnia dziciaci», — zajaviŭ Bjërndalen.

Narviežskamu bijatłanistu ŭžo 42 hady, ale jën nastrojeny praciahvać karjeru. «U mianie jëść vielizarnaja matyvacyja. Takaja ž vialikaja, jak tady, kali mnie było 20 hadoŭ», — skazaŭ Bjërndalen.

Domračavaĭ 29 hadoŭ, minuły bijatłonny siezon jana prapuskała praz monanukleoz. Naĭchutčeĭ, praź ciažarnaść nie vystupić i ŭ nastupnym. Choć biełaruska spadziajecca adnavić treniroŭki ŭžo praz try miesiacy paśla naradžeńnia dziciaci, u studzieni 2017 hoda.

Siamieĭnyja historyi

Ole Eĭnar vyras u pryharadzie Osła. Jahony baćka Chans Bjërndalen zachaplaŭsia bieham, tamu troje synoŭ ź dziacinstva zaĭmalisia sportam i ŭrešcie znaĭšli siabie ŭ bijatłonie. Stareĭšy, Dah, navat zavajavaŭ srebrany miedal u estafiecie na Alimpijadzie-1998. Małodšy, Chans Anton, praŭda, vialikich dasiahnieńniaŭ nie mieŭ. Baćka Bjërndalena pamiër niekalki hadoŭ tamu, pieražyŭšy žonku, na vośmym dziasiatku.

Pra žyćciëvuju historyju siamji Domračavaĭ biełarusy viedajuć našmat lepš. Nahadajem, Darja naradziłasia ŭ Minsku ŭ siamji architektaraŭ. Na pačatku 1990-ch jaje baćki pierajechali ŭ rasiĭski horad Niahań.

Spačatku tam znaĭšoŭ pracu baćka, Uładzimir Domračaŭ. A paśla, kali ŭ horadzie vyzvaliłasia pasada hałoŭnaha architektara, jën prapanavaŭ kandydaturu svajëĭ žonki Łarysy (jaje dziavočaje proźvišča — Minina). Razam ź jëĭ u rasiĭskija chałady pierabralisia dzieci — Mikita i Darja.

Domračavy žyli ŭ Sibiry da siaredziny 2000-ch, a paśla maci ź dziećmi viarnułasia ŭ Biełaruś. Baćka zastaŭsia ŭ Niahani i nieŭzabavie pamiër.

Łarysa Minina pabrałasia druhim šlubam ź viadomym architektaram Barysam Školnikavym. Heta jën buduje chaĭ-tekavyja słupki pa ŭsim Minsku — naprykład, vysačeznuju «Rojał Płazu» na praśpiekcie Pieramožcaŭ.

Mikita, brat bijatłanistki, pracuje architektaram u studyi aĭčyma.

Pieršy šlub Bjërndalena

Bjërndalen i Domračava asabista paznajëmilisia padčas Alimpijady-2010 u Vankuviery. «Ole Eĭnar tady padyšoŭ pavinšavać mianie z bronzaĭ. Heta adrazu paśla taho, jak sam zaniaŭ druhoje miesca ŭ indyvidualnaĭ honcy. Ja była litaralna šakavanaja. Sam Bjërndalen, vau!» — uzhadvała Darja.

Čutki pra raman bijatłanistaŭ upieršyniu źjavilisia ŭletku 2012 hoda. U toĭ čas Bjërndalen jašče byŭ u šlubie. Jahonaĭ pieršaĭ abrańnicaĭ taksama była bijatłanistka. Natali Santer mieła italjanskaje i bielhiĭskaje hramadzianstva. Za karjeru jana pieramahła ŭ troch honkach na etapach Kubka śvietu.

Z narviežcam jana sustrakałasia z 1998 hoda, ale adnosiny byli aficyĭna zarehistravanyja tolki praz vosiem hadoŭ. Santer i Bjërndalen vyhladali daskanałaĭ paraĭ, razam bavili čas padčas ekstremalnaha adpačynku. Dziacieĭ u šlubie nie było, i razvod praĭšoŭ biez skandałaŭ. «My pavinny pryznać, što naša žadańnie pravieści doŭhaje sumiesnaje žyćcië nie ažyćciaviłasia. Napieradzie nas čakaje asobnaje žyćcië», — prahučała ŭ zajavie narviežca i italjanki ŭ kancy 2012 hoda.

Biełaruska-narviežskaja budučynia

Doŭhi čas Domračavu i Bjërndalena navat nie mahli sfatahrafavać razam! Tolki paśla Alimpijady-2014 u Sočy jany pierastali chavacca ad žurnalistaŭ — razam treniravalisia, razam chadzili hladzieć futboł. Narviežac pryjazdžaŭ u hości ŭ Minsk.

Dzie čempijënskaja para budzie žyć, pakul nieviadoma. Domračava dabudoŭvaje futurystyčny majëntak na bierazie Zasłaŭskaha vadaschovišča, a taksama maje prastornyja apartamienty ŭ domie «La Trajeckaha», padoranyja Juryjem Čyžom. A voś Bjërndalen stała žyvie ŭ aŭstryĭskim miastečku Abiercilijach.

Adzinaje fota Domračavaj z Bjorndalenam, jakoje jana vykłała ŭ adkryty dostup.

Branisłaŭ Jurevič