Siłaviki rasšukvajuć hraficista Viačasłava Kasinierava
07.04.2016 / 14:43
Fota Iryny Arachoŭskaj
Na kvateru da fihuranta spravy «hraficistaŭ» Viačasłava Kasinierava sprabujuć patrapić pradstaŭniki siłavych strukturaŭ. Pra metu pilnaj uvahi da jaho jany nie kažuć.
Učora, 6 krasavika kala 20:00 dadomu da Viačasłava Kasinierava pryjechaŭ čałaviek u cyvilnaj vopratcy, jaki pradstaviŭsia maci aktyvista namieśnikam adździeła Maskoŭskaha RUUSa Astachovičam Siarhiejem Alaksandravičam. Jon cikaviŭsia miescaznachodžańniem Viačasłava, a taksama zapytvaŭ, dzie jon byŭ ŭ minuły čaćvier. Zranku jahony vizit paŭtaryŭsia, ale nijakich tłumačeńniaŭ supracoŭnik milicyi nie daŭ.