U Japonii adkryłasia kaviarnia, u jakoj žyvuć vožyki
07.04.2016 / 21:35
Japonija praciahvaje zadavać ton u stvareńni kaviarniaŭ, dzie naviedvalniki mohuć panazirać za žyviołami. Raniej u krainie byŭ bum na kacinyja kaviarni, a ciapier u japoncaŭ jość mahčymaść acanić navinku — kaviarnia, u jakoj žyvuć vožyki.
Tak, u Tokio adkryłasia pieršaja kaviarnia, dzie naviedvalniki mohuć pierakanacca: vožyki — heta vielmi miłyja žyvioły, niahledziačy na toje, što ŭ ich jość kalučki, piša The Guardian.
Niezvyčajnaja ŭstanova nazyvajecca Harry, hadzina znachodžańnia ŭ joj kaštuje kala $9 u budni i $12 u vychadnyja.
U Harry žyvuć bolš za 20 vožykaŭ, ich «pasialili» ŭ skryni sa škła. Kožnaha vožyka možna ŭziać na ruki i navat pasprabavać pahładzić.
Achvotnych pravieści čas z kalučymi pryhažunami vielmi šmat, ludzi stajać u čerhach, kab patrapić u kaviarniu.