Łukašenka: U sporcie nie pavinna być stolki palityki, kolki siońnia
08.04.2016 / 14:58
U sporcie nie pavinna być stolki palityki, kolki siońnia. Takoje mierkavańnie Alaksandr Łukašenka vykazaŭ siońnia na sustrečy z prezidentam Mižnarodnaj asacyjacyi lohkaatletyčnych fiederacyj Siebaśćianam Koe.
«U sporcie nie pavinna być stolki palityki, kolki siońnia. U sporcie nie pavinny pieramahać spartśmieny tolki bujnych bahatych dziaržaŭ. Sport pavinien być dla ŭsich. Tamu ja kateharyčna suprać usialakich zakrytych pytańniaŭ u sporcie, u tym liku dopinhu, što niejkaj krainie heta možna, a niejki nielha. Ja suprać taho, kab hrošy vyrašali pytańni. Bo bahataja kraina budzie zaŭsiody vyjhravać. Sportu nie chapaje spraviadlivaści», — zajaviŭ kiraŭnik dziaržavy.
Alaksandr Łukašenka ličyć stanoŭčym toj fakt, što ŭ suśvietnaj lohkaj atletycy pracujuć śpiecyjalisty, jakija pa-sapraŭdnamu viedajuć i razumiejuć sport. «Mienavita hetaha razumieńnia ŭ mnohich funkcyjanieraŭ ŭ mnohich vidach sportu jak raz nie chapaje — razumieńnia spartśmiena, — skazaŭ kiraŭnik krainy. — Mnie zdajecca, što takija ludzi, jak vy, jakija prajšli praz horan sportu i jakija pakazali vydatnyja vyniki, jak raz zdolnyja źmianić situacyju ŭ sporcie».