Zaŭtra ŭ halerei «Ŭ» projdzie vorkšop, pryśviečany prymusovaj pracy

21.04.2016 / 10:56

Vorkšop: Pieraasensoŭvajučy prymusovuju pracu. Biełaruski pohlad na Rasijskuju Impieryju, Saviecki Sajuz i nacysckuju Hiermaniju

Data: 22.4.2016, 13.00—19.30

Miesca: halereja «Ŭ», Minsk, praśpiekt Niezaležnaści, 37a.

Arhanizacyja: Fieliks Akierman, Niamiecki histaryčny instytut (Varšava), Instytut imia Hiote (Minsk), Jeŭrapiejski humanitarny ŭniviersitet (Vilnius),

Partniory: Ambasada Hiermanii ŭ Minsku, halereja «Ŭ»,

Padtrymka: Erste Stiftung

Metaj vorkšopu, jaki abjadnoŭvaje navukoŭcaŭ ź Biełarusi, Polščy, Šviecyi i Hiermanii, źjaŭlajecca praviadzieńnie dyskusii pa najnoŭšych daśledvańniach ab prymusovaj pracy z fokusam na biełaruskim dośviedzie. Niavažna «na radzimie» ci ŭ zamiežžy – prymusovaja praca razhladajecca jak srodak pakarańnia, pieravychavańnia, ekanamičnaj ekspłuatacyi i fizičnaha źniščeńnia.

Fieliks Akierman (Varšava) adkryje vorkšop prezientacyjaj daśledvańnia pra praktyki pakarańnia 19 stahodździa. Jon raspaviadzie, da jakoj stupieni kancepcyja prymusovaj pracy była častkaj prahram, nakiravanych na refarmacyju turmaŭ. Prymusovaja praca ŭ turmach 19 stahodździa budzie praanalizavanaja jak častka prahramy madernizacyi.

Iryna Ramanava (Minsk) praciahnie dyskusiju pra kankretnyja praktyki prymusovaj pracy na prykładzie sialanaŭ u stalinskaj Biełarusi, z fokusam na historyju zadušeńnia katehoryi «kułakoŭ».

Imkie Chansen (Upsała) pradstavić uspryniaćcie byłych biełaruskich prymusovych rabočych i toje, jak retraśpiektyŭnyja naratyvy ich vopytu suadnosiacca z kalektyŭnymi interpretacyjami prymusovaj pracy ŭ Biełarusi i Hiermanii. Analizujučy vusnahistaryčnyja intervju, jana daśleduje toje, jak infarmanty intehrujuć svoj vopyt prymusovaj pracy ŭ bijahrafii i śvietaŭsprymańnie.

Iryna Kaštalan (Minsk) padrabiazna spynicca na paślavajennych prablemach adaptacyi byłych prymusovych rabočych da žyćcia ŭ Savieckaj Biełarusi. Naprykancy dyskusii da kruhłaha stała dałučycca Hiułaj Hiun (Hamburh), jakaja niadaŭna arhanizavała vystavu pra prymusovuju pracu ŭ Hamburhskim muziei pracy.

13:00 Ustup Almiry Usmanavaj i Franka Baŭmana: Hłabalny refarmiscki ruch i jaho ŭpłyŭ na rasijskija turmy

14:00 Kava-paŭza

14:30 Iryna Ramanava (Minsk/Vilnius): Archipiełah Kułak. Sialanskaja kałanizacyja pieryfieryjnych častak Savieckaha Sajuza

15:30 Imkie Chansen (Upsała): Naracyi byłoha «Ostarbajtera» i ich adpaviednaść ujaŭleńniam u Biełarusi i Hiermanii

16:30 Kava-paŭza

17:00 Iryna Kaštalan (Minsk): Viartańnie dadomu? Byłyja prymusovyja rabočyja i ich acenka ŭ Savieckaj Biełarusi

18:00 Kruhły stoł «Pamiž pamiaćciu i zabyćciom? Pohlad z 21 stahodździa na prymusovuju pracu ŭ Biełarusi i Hiermanii»

Praf. Iryna Ramanava, historyk, śpiecyjalist pa sacyjalnaj historyi 20 st. Prafiesar historyi ŭ departamiencie historyi Jeŭrapiejskaha humanitarnaha Ŭniviersiteta ŭ Vilniusie, dzie jana taksama adkazvaje za bakałaŭrskuju i mahistranckuju prahramy daśledavańniaŭ kulturnaj spadčyny. Siarod jaje daśledčych intaresaŭ — štodzionnaja historyja savieckaha hramadstva 20-ch i 30-ch hadoŭ minułaha stahodździa na pieryfieryi Biełaruskaj Savieckaj Sacyjalistyčnaj Respubliki.

Hiułaj Hiun, mahistr, historyk, vyvučała jeŭrapiejskija i relihijnyja daśledavańni ŭ Bremienie, Frankfurcie-na-Odery i Stambule. Jana pracavała ŭ Hamburhskim muziei pracy jak udzielnica prahramy «Kulturnaja raznastajnaść i mihracyja ŭ muziejach» fonda Alfreda Topfiera. Z 2015 hoda pracuje prajektnym mieniedžaram vystavy «Prymusovaja praca. Niemcy, prymusovyja rabočyja i vajna». Vobłaść jaje intaresaŭ — krytyčnaja, kalektyŭnaja i kulturnaja pamiać postmihracyjnaha hramadstva.