Nazarbajeŭ uvioŭ chimičnuju kastracyju piedafiłaŭ
21.04.2016 / 16:56
Prezident Kazachstana Nursułtan Nazarbajeŭ padpisaŭ zakon «Ab uniasieńni źmianieńniaŭ i dapaŭnieńniaŭ u niekatoryja zakanadaŭčyja akty pa pytańniach abarony pravoŭ dziciaci», jaki ŭvodzić chimičnuju kastracyju piedafiłaŭ.
Hety dakumient nakiravany na ŭdaskanaleńnie sistemy abarony pravoŭ dziaciej, paviedamiła ŭ čacvier pres-słužba kiraŭnika dziaržavy.
Zakonam unosiacca papraŭki ŭ Kryminalny, Kryminalna-pracesualny kodeks, Kodeks ab administracyjnych pravaparušeńniach i Kodeks ab zdaroŭi naroda i sistemie achovy zdaroŭja, jakija tyčacca, u tym liku, uzmacnieńnia žorstkaści pakarańnia ŭ dačynieńni da asob, jakija ŭčynili złačynstvy suprać pałavoj niedatykalnaści niepaŭnaletnich.
Razam z hetym uniesiena norma «ab prymusovaj miery miedycynskaha charaktaru ŭ vyhladzie chimičnaj kastracyi piedafiłaŭ».
Raniej sienatar Byrhanym Ajtymava tłumačyła žurnalistam, što chimičnaja kastracyja budzie ŭžyvacca jak časovaja miera ŭ vyhladzie adnarazovaj injekcyi. «Heta nie značyć, što injekcyju zrabili, i jon na ŭsio žyćcio takim zastaŭsia, absalutna nie», — skazała jana.
Padobnyja injekcyi buduć prymianiacca tolki paśla vyniasieńnia rašeńnia suda.
Raniej u Sieule ŭpieršyniu vynieśli prysud piedafiłu, jaki praduhledžvaje chimičnuju kastracyju.