U Homieli kiroŭca-biaspraŭnik, jaki 41 raz parušaŭ PDR, źbiŭ žančynu-piešachoda
22.04.2016 / 13:06
21 krasavika ŭ Homieli na vulicy Haharyna 50-hadovy kiroŭca, pazbaŭleny paśviedčańnia za kiravańnie transpartam u stanie ałkaholnaha apjanieńnia, na aŭtamabili «Nisan» pry pavarocie nie pradastaviŭ pieravahi i ŭčyniŭ najezd na piešachoda. 60-hadovaja žančyna pierachodziła prajeznuju častku darohi pa paznačanym piešachodnym pierachodzie.
Jak paviedamili BiełaPAN va UDAI UUS Homielskaha abłvykankama, vadziciel, nie paviedamiŭšy ab tym, što zdaryłasia, u milicyju, advioz paciarpiełuju dadomu. Adčuŭšy paharšeńnie stanu zdaroŭja, žančyna źviarnułasia ŭ balnicu. Paśla akazańnia miedycynskaj dapamohi jana była adpuščana dadomu.
U vyniku praviedzienych apieratyŭna-vyšukovych mierapryjemstvaŭ kiroŭca byŭ ustanoŭleny. U jaho naličvajecca 41 parušeńnie praviłaŭ darožnaha ruchu.
U hety ž dzień, 21 krasavika, u Homieli adbyłosia jašče adno DTZ z udziełam piešachoda.
Vadziciel «Piežo», ruchajučysia pa vulicy Carykava, nie pradastaviŭ pieravahi i ŭčyniŭ najezd na piešachoda 1960 hoda naradžeńnia, jaki pierachodziŭ prajeznuju častku pa nierehulavanym paznačanym piešachodnym pierachodzie. Vadziciel advioz paciarpiełaha va ŭstanovu achovy zdaroŭja. Ab darožna-transpartnym zdareńni paviedamili vidavočcy, patelefanavaŭšy na 102.
U vyniku zdareńnia piešachod atrymaŭ cialesnyja paškodžańni i byŭ špitalizavany ŭ balnicu chutkaj dapamohi.