U sieradu ŭ Biełaruś pryjdzie paciapleńnie
Daždžoŭ budzie mienš, sonca — bolš.
25.04.2016 / 12:01
Fota Siarhieja Hudzilina
Ź sierady nadvorje palepšycca: daždžoŭ budzie mienš, sonca — bolš. Pra heta raspavioŭ načalnik słužby hidramietearałahičnych prahnozaŭ Respublikanskaha hidramietcentra Dźmitryj Rabaŭ.
U aŭtorak, 26 krasavika, zachavajecca daždžlivaje i chaładnavataje nadvorje, jakoje budzie vyznačać aktyŭnyja atmaśfiernyja franty ad cykłona, jaki źmiaščajecca z Ukrainy ŭzdoŭž uschodnich miežaŭ Biełarusi. Na bolšaj častcy terytoryi projduć daždžy, nočču i ranicaj miescami navat z mokrym śnieham. Pa ŭschodzie ŭ asobnych rajonach — mocnyja daždžy.
Tempieratura ŭnačy ad +1 pa zachadzie da +10 pa ŭschodzie, dniom +6 +12, pa ŭschodzie da +14.
Dalej z rostam atmaśfiernaha cisku, nadvorje pačnie palapšacca: daždžoŭ stanie mienš, sonca — bolš, ustalujecca bolš kamfortnaje nadvorje:
U sieradu, 27 krasavika, nočču pa paŭnočna-ŭschodniaj pałovie, dniom u asobnych rajonach čakajucca karotkačasovyja daždžy. Nočču i ranicaj miescami tuman. Tempieratura nočču +1 — +7, pry prajaśnieńniach 0 — -3; dniom +10 — +17.
U čaćvier, 28 krasavika, nočču pa paŭdniovym zachadzie, dniom miescami projduć karotkačasovyja daždžy. Dniom mahčymyja navalnicy. Nočču i ranicaj u asobnych rajonach tuman. Tempieratura nočču 0 — +7, dniom +13 — +19, pa zachadzie +7 — +12.
U piatnicu, 29 krasavika, u asobnych rajonach — karotkačasovyja daždžy. Nočču i ranicaj miescami tuman. Tempieratura nočču +1 — +7, pry prajaśnieńniach 0 — -2, dniom +10 — +17.
U vychodnyja dni nadvorje budzie vyznačać atmaśfierny front, jaki budzie padymacca z paŭdniovaha zachadu Jeŭropy:
U subotu, 30 krasavika, nočču pieravažna biez apadkaŭ, dniom pa paŭdniova-zachodniaj pałovie karotkačasovyja daždžy, mahčymy navalnicy. Tempieratura nočču +1 +8, dniom +8 — +15, pa paŭdniovym uschodzie +17 — +18.
U niadzielu, 1 maja, miescami čakajucca karotkačasovyja daždžy, navalnicy. Tempieratura nočču +2 — +9, dniom +8 — +15°S, pa paŭdniovym uschodzie +16 — +20.